Tupac اللـى شبــهــى

بداية مش قصدى عالملامح ولا اللون ولا اى شكل خارجـى , عشان مش عايز علامات استفهام من اولهـا

2Pac
زى ما هو معروف مغنـى راب , فى ناس تعرف عنه اكتر من كدا , فى نـاس تعرف اسمه وكام قصة خيالية كدا عليه , وفى نـاس تعرفه وتعرف تعمل حرف الـW كدا بصوابعها زى ما كان بيعمل افتخارأ بأنتمائه للساحل الغربى للراب

West Cost

 ودول الناس اللى بيحبوا يطلعوا فى الصور بمنظر الفاهمين والدايسين واحلى عصابات راب فيكى يا دنيـا وكدا مع ان  لو دققت فى صورهم هتلاقيهم فيهم اللى لابسين  كاب مكتوب عليه Ny  

اختصار لنيويورك "ساحل شرقى"وعاملة علامة الغرب بايده , طب ازاى يا ابن الناس , دا انت كدا كانك لابس عــراجـى وبتغنى
"من بحـرى وبنحبوه"

المهم سيبكم من توباك عند النـاس ايه

انـا المهم هنــا

بصوا فكرة الراب عندى , جت بعد دراسة محبتش اسمع حاجة مش فاهها , ولا عارف جت منين , دورت كتير على اصول المزيكـا دى , من يوم ما بدت باسطوانتين جااين من جاميكا واحد شغلهم وبقه يلعب فيهم بايده , لحد ما هى لسه مستمرة دلوقتى , الراب مش مجرد مزيكـا للناس تسمعها , لا الراب مزيكـا الناس تصنعها , موضوعاته هى يومنـا , امين شرطة رخم , على كهربـاء قطعة 3 ساعات , شغل مش موجود , على تعليم بـايظ , حتة حشيش بعشرين جنيه تعمل سجارتين بالعافية .

كل العك اللى بنقابله دا , يبجى حد يحكيه , يوصله للانسـان المتحضر ابن الناس اللى مش قاعد معانا ولا ميته زى مايتنا ولا يعرف حتى يعنى ايه الكهرباء تقطع ,

عجبتنى الغاية من الراب دا , الزعيق فى وش ظروف اصلا ماينفعش بنى ادم يتحط فيها عشان يحكى عنها , عرفت ان الفن دا متطرف غير كل انواع المزيكـا اللى طلعت من افارقة امريكـا ,  حزن البلوز , وعذوبية السول , ونغم الجـاز , الغنـا اللى كان بادب دا

خلاااص  , عجبنى اكتر انه مش لازم يبقى صوتى حلو عشان اعبر , لا ما انا صوتى اللى ضايع دا من كتر ام الماريجوانا اللى عمالى اطفحها من الصبح عشان مفيش شغل , فبثبت الناس تحت الكوبرى , عارفين اللى هو كل حاجة مرتبطة بالتانية , من شكل اللى بيغنى للى اصلا بيغنيه ,

بس عارفين لما كله يزعق ويقول ويشتم , اكيد هتلاقوا حد شتيمته غـير , اكيد حد بيشتم عشان عايز يشوف بكره فيه من غير شتيمة , واحد  اتقرص وادعك فغضب وحلم يتحرر هو ونـاسه ,

الحد دا كــان 
Tupac Amaru Shakour

اول حاجة توبـاك امه كانت قيادية فى حزب الفهود السوداء
   The Black Panthers

شعــار حركة "الفهود السوداء"

أفانى شاكور مقبــوضا عليها

مــيلتــو شــاكور

فمفيش احسن من كدا تربية , عشان تطلع ناقم على مجتمع بيفشخك يوميـا لمجرد انك اسود , دا اصلا  لما كانت امه بتقضى عقوبة لاتهامها بالتأمر على
امريكـا كانت ساعتها حـامل فيه


ووالده اللى رباه , اللى اتضح بعد كدا انه مش ابوه الحقيقيى , "مـيلتو شــاكور" كان لمدة 4 سنين على قـايمة ال FBI لاكثر عشرةهاربين مطلوب القبض عليهم

. دا اصلا حتى  اسمه توبـاك امارو , متاخد من اسم مناضل ثورى من شعب البيرو الاصلـى "الانكـا", قاد انتفاضة ضد المستعمرين الاســـبان,

فاللى انت اصلا رضعت مقاومة القهر بكــل صوره  اللى عشتها من يوم ما كنت فى رحم امك  حتى اسمك اللى اختارته ليك مكتوبلك تطلع شبهه,, واتربيت على كدا , انك فعلا تجيب حقك باللى تعرف تجيبه بيه

2pac  طفولته مكانتش سهلة ولا تربيته حتى كانت مثالية , فامه بكل نضالها كسيدة وكسوداء فى المجتمع الامريكـى , جت عليها فترة انهزمت وأدمنت المخدرات ودا اثرعلى سلوكها وسلوك اولادها 

, ابتدى يتلم على تجار المخدرات , ابتدى يبيع عشان يبقى معاه فلوس , بس ما كترش ,

لف كذا مدينة من نيويورك لمريلاند وبالتحديد فى بالتيمور اللى التحق فيها بمدرسة الموهبيين فنيـا , وهناك اتعلم الشعر والتمثيل , الباليه , ومزيكـا الجــاز وعرف حد مهم جدا فى حيـاته وكون مع صحوبية جامدة , عرف "جـيدا بنيكيــت" اللى اغلب الناس مايعرفش عنها الا انها مــرات "ويل سميث"

بعد بالتيمور راح الغرب , كالفورينـا ومن هناك ابتدى 
توباك مش مجرد Rapper زى ما قلت , توباك اتأثر بتاريخ عائلته واتأثر بالاوضاع اللى اتولد لقى نفسه كاسود فيها 
عشان كدا نلاقيه فى أول اللبوم ليه 

2Pacalypse Now
واللى بيعتبر من اعظم اللبومات الراب اللى طلعت
بيقول فى اغنية 
Words Of Wisdom

:

No Malcolm X in my history text
Why is that
?
‘Cause he tried to educate and liberate all blacks
Why is Martin Luther King in my book each week
؟
He told blacks, if they get smacked, turn the other cheek
""

ليه ما بنقراش عن مـالكوم x  فى نصوص التـاريخ؟
عشان هو حاول يحرر ويثقف كل السود
,
وليه كل اسبوع نلاقى كلام عن مـارتن لوثر كينج جوا كتب المدرسة؟
عشان هو كان بيقول للسود , لو اضربت على خد من خدودك , اديهم التانى كمان عشان يضربوه

طبعا دا بيوضح قد ايه تربية امه اثرت عليه , خصوصا ان حركة الفهود السوداء , كانت افكار مالكوم X  المقاومة بالعنف , بتمثل جزء كبير من مرجعية الحركة , اللى كانت شايف ان المقاومة السلمية بقيادة مارتن لوثر كينج , مش جايبه همهـا
 وهودا تقريبا , أكتـر شبه مابينـى وبين توبـاك 
بداية انا عارف ان اغلب النوبيين , مخلصيين لقضيتهم , وفعلا عايزين حقوقهم 
بس الفكرة ان النوبيين فى شكل الحقوق دى وازاى تيجى مابينهم اختلاف كبير 
فنلاقى مثلا جـيل الشباب فكره , غير الجيل الكبير 
حتى جيل الشباب ذاته نلاقى فيه اختلاف فى الطريقة اللى تتجاب بيها الحقوق دى , 
اكون صريح اكتــر 
اللى قعد هناك فى التهجير , مش زى اللى سمع عنه 
اللى المية قطعت عليه وهو بيغسل وشـه , مش زى اللى بيروح البلد بيشكى من زن الناموس 
اللى لما يتعب تعب جامد شوية بيسفروه اسيوط , مش زى اللى كبيره بياخد تأكسى للقصر العينى الفرنسـاوى

فى ناس معاناتها فى التهجير هو يومها من اول ما تصحى لحد ما تنام , وناس عارفين ان التهجير وحش ,وبلادنا كانت اجمل وكدا 
التعرض للظلم بشكل مباشر , غير التعاطف معه ,
بالظبط زى الفرق اللى كان موجود مابين حركة الحقوق المدنية والفهود السوداء
الغـاية واحدة بس الطريقة تختلف
اللى فى مصر ادواته غير ليه طهقان ينـادى ويقول ويستنى تأثير كـلامه , اللى جااى من البلد
مــراره طــافح والاختلاف دا طبيعى عشان
التعرض للظلم بيخليك تكفر اول حاجة , بشركة الكهرباء اللى حرماك من نور فى ليل غميق 
بعدها شركة المية اللى بقالها اربعين سنة وزيادة بتيجى فى المناسبات , 
شوية شوية , تحصل حادثة فى طريق كوم امبوا اللى مش متعد لبنى ادمين اصلا , فتكره  المحافظة 
اللى استخسرت فيك اسفلت نضيف كان ممكن لو  موجود , ما يموتش حد عزيز عليك فى حادثة زى كدا ,
بتبتدى تتخلى شوية شوية وتكره تفاصيل يومك والقائمين على افساده 
لحد ما توصل للراس الكبيرة 
مـصر اللى هى سبب بلاك الاكــبر 
ترجع لأصل الحكاية هتلاقى كل الدراما اللى انت فيها دى 
من يوم ما طلعوك من بيتك , عشان يشربوا هما مية حنفية 
غرقوا نخلك وارضك  , عشان ييروا اراضيهم طول السنة 
القمر اللى كان ينور سمـاك يوم ما يبقى كـامل , حرموك منه عشان عيالهم 
تلعب تحت  نـور عامود فى اى حـارة
وحتى دا , لما تلاقى انه كان ممكن يحصل من غير 
ما تسيب ارضك ولا نخلك ولا سمـاءك , تبتدى تــشك 
لا انا فعلا المقصود هنــا , انا كنوبى لو كنت قاعد حتى فى المريخ 
كانوا هيجيولك يطلعوك منه بحجة استكمال ابحاثهم الفضائية 
عاارف شعور انك انت مستهدف لمجرد طبيعة خلقك عليها ربنـا 

لما ياخدك الشوق لبلادك دى , لو طلعت فى دماغك يعنى , تاخد دهبية كدا من ورا السد 
تلف بيها المعابد اللى 
فى بلادك , وتستنى لك اسبوع  لحد ما تصريح المخابرات يجـى 
تتأكد بما ليس له مجال للشك 
انك انت المستهدف يا معلم 
تقولى بقه امن قومـى , امن صنـاعى , اى بتنجان 
انت المستهدف كنوبى  
عشان انت نوبى 

, الحقيقة دى وصلت لها من زمـان زى ما توباك كانت واصلة ليه فكرة انه طالما هو اسود ,وطالما بيتعامل كدا , هو فى نظرهم مش مواطـن 
عشان كدا نلاقى تــوباك افتكس حـاجة كدا اسمــها 
"Thug Life" 
ووشم الكلمة على جــسمه

 معنى حرفى 
"حياة بلطــجـى" 
الفكرة اللى كان بيروج ليها توباك هنــا 
هنا هو وضع تعريف للسود فى امريكـا , انه طالما 
انا بتعامل مش بمساواة , طالما الاحياء بتاعتى مفهاش خدمات , طالما فى تعنت 
من الحكومة ضدى , يبقى انا مش مواطن فى عنيكم انا بلطجـى
وعلى الرغم من النظرة دى فى عين توباك لمكانة السود فى المجتمع , وهى النظرة الحقيقية
المجردة من اى تفاءل كاذب او خداع باى مكسب شحيح , واللى مبنية على ظروف حياة يومية 
 الا انه كان بيحاول برضه على الجبهة الداخلية
لايجاد نوع من التحسن اللى يقدر مجتمع السود يقدمه لنفسه فنـلاقى ان

 توباك  قدر انه يعمل زى قوانين ملزمة  لعصابتى 
"Cribz" & "Bloodz"

 بحيث ان يجنب المجتمع الاسود , انهم يبقوا طرف ما بين صراعهم , 
ووقع عليها قيادة العصابات دى , ودا اللى حد من جرائم , القتل العشوائية 
والخطـا , خاصة مابين الاطفال والنســاء
,,

وهنـا بيبان ملمح تـانى من شخصية توباك وهو احترامه الكبير للمــرأة , بالرغم من ان اغلب مشاكله مع القانون
 جت من تحت راس المــرأة , الا ان وجود سيدتين فى حياته , الاولى امه واخته , وملازمته ليهم 
اثرت على تربيته واحترامه الكبير للمراة 
ودا بيظهر فى اغنية 
"Keep Ur Head Up"
اللى بيقول فيها
And since we all came from a woman
Got our name from a woman and our game from a woman
I wonder why we take from our women
Why we rape our women, do we hate our women?
I think it's time to kill for our women
Time to heal our women, be real to our women
And if we don't we'll have a race of babies
That will hate the ladies, that make the babies
And since a man can't make one
He has no right to tell a woman when and where to create one"
 وبما اننا بنجيى من رحم نسـائنا , واللى بيختـار اسمنـا همـا نسـائنـا ,
انا بستعجب احنا ليه بنكره , بنغتصب ,بنسرق من نسـائنـا
دا الوقت اننا نموت نفسنا عشان نسائنا
نشفى جرح نسـائنا ,ونكون معاهم جـاديين

وبمـا اننا كرجال مانقدرش نخلق طفـل
فمش من حقنـا اننا نقول لنسائنا امتى وفين  انها تحمل اطفالنـا"

----
ارجع تــانى للتشـابه
 جموح توباك مش صح طول الوقت ,
لا دا حيـاته فيها غلط وفيهـا شمال كتـير , ساعات الشمـال اللى فيها بيغطـى على النوايا الكويسة
وسـاعات النوايا الكويسة بتقدر تخلى الشمال يمين
بس دا اللى حـاصل معايا
مش طول عمرى الحد اللى أم الخير والصح مليه , لا ساعات انسان فعلا غريب
نقطة ضعفى عارفها كويس و وغلبتنى كتــير
بحاول شوية اتغلب
مرة بقدر مرتين بتجلى منى ,
بس هى كدا
الصراع الازلـى مابينى وبين نفسى
دا اكبر صراع
متهيالى توباك جموحه برضه على قد ما كان ميزته كان هو
بــرضه اللى بيبقى كتـير عيبه
لو اتوجهــه غلط ,بالمنـاسبة صـــح انا اسم البلوتوث بتـاعى
 2Mass
على اسم بلدى
وهو اسمـه
2pac

حتـة بقه توفيق عكـاشة
لاحظ اول حـرف
:D
--------------

تــالت شبــه والاًصعب
الترحـال 
 التنقل من كذا مكان فى حياتك , بيتعب فعلا
بس الفكرة مع توباك حصل العكس , هو لقى جذوره فى كالفورينـا
وانا سبتها فى أسوان , لا ما سبتهاش محبش الكلمة دى
بس انا جذورى هناك , ساعات بمد الفرع الف هنا وهناك , بس لا لازم ارجع ارتوى من جذرى
عارفة خبايا اسوان , اكتر من خبايا مصر , اخنانها ,
مين بيبيع احسن دخــانة , ولو انى مابشربهاش
كاتراكت دخل صيانة تانى بعد ما اتفتح السنة اللى فاتت , انا عارف برضه ليه
تحصل شكــلة مابين الجوزيرة والهلايل اللى حوليهم ,
اعرف لك كام واحد وقع فيها ,
تسـالنى تروح منشية نـاصر اللى فى مصر ازاى
ماعرفش ولو عاارف مش هقولك
انا هنـا بأدى رسالة بس
دايما فى بالى كدا , قامت ثورة اهه فى ام البلد العاقر دى
وجزء كبير انتهى من الرسالة دى , تانى مهمة والاهم حقــى كنوبى
ورااه ومش فايته , تحصل العودة بجد ونلاقى نفسنا مكتوبيين فى دستورنـا , هرستق امورى وارجع تومـاس البلد
"أيـركــى جــديم"
لا أسنــا ولا كوم امبوا
انتصارى مش عايزه معنوى انى كنوبى جيبت حقى وارضى واقعد كل عيد اروح هناك
لا  انتصارى انى كنوبى بمشى على ارضى دى , صهد الرملة اللى فيها حاسه على رجـلى
مـشوار ابن قحبة أخده لأسوان عشان اخلص ورق لارضى اللى على البحيرة
مستعد عادى اروح مش مشكـلة
بالمرة اعدى على غرب اسوان ,
عارف ان العودة مش سهــلة ولا هتبقى مـرتاحة الأمـور
بس نــــاوى وحاسبها
-------------
رابع شــبه
ازاى مـــات توبــاك
هو مـــات مقتول
انا عندى برضه نفس الفكرة انى هموت كدا , مش متضايق من الفكرة ذاتها
بس هتضايق لو مـت قبل ما نرجع بلدنـا
فى كـام حاجة عاايز اعملها قبل ما أمــوت
بس لو ربنــا حكم انى اموت قبلها
وصيتــى ليكم
"ادفـن فى تومــاس البلد القديمة , على ضفاف بحيرة النوبة"
مشوار عليكم انا عارف انكم تروحوا تدفنونى هنــاك

بس بطلوا أم الندالة دى
دا أخــر طــلب يا ولاد اللذينة أدينــى هموت وسايبهالكم

كــتبت فـى الأصل فــى
30/6/2012
الســبت

القـــرمــوط اللى أكـــل جد النوبـــيين و"الفيـــرى" الذى شـــاركهم الحيـــاة

تقول الأسطــــورة النوبية , ان النوبى الحق لا يأكل من سمك "القرموط" , حتى وان كان سيموت من الجوع , لأن جد النوبين الاول فى بداية تشكيل الارض , عندمــا كان هناك فقط النوبى الذى وجد على هذه الارض ليعمرها , تمهيدا لاستقبال باااقى البشر على هذه الدنيــا , قد اكــلته سمكة "قرموط" ضخمــة , ومنذ هذا اليوم , وبعد مرور سنوات تحسب بالالاف لا يـــزال النــــوبى محرمــا عليه لحم هذه السمكــة كتحريم الأسلام للحم الخنزير ,


طبعا الأسطورة تحمل فانتازيــا واضحة , ولكن السبب المخفى وراء وقائع الأسطورة
أن سمك "القرموط" يعتبر خنزير الاسماك , فهو يأكل كل ما يصادفه فى طريقه ,
لا يفرق بين حى وميت , بين طيب وخبيث , حتى ان تركيبه التشريحــى يحتوى على طبقة عظمية عكس كل الأسمـــاك التى تكسى اجسامها بحراشيف وقـــشور
يقال ايضا ان القرموط يحيض و تركــيب  النوبى الذى فطــم فى بيت شديد النظـافة لام كانت تكنس الشارع بكل اهتمام وكانه داخل الدار و وشرب من نهر عذب فـــرات
لا يقـــبل ان يتم خرق هذه الهالة النقـــية من الرقى والتحضر باى طعم مهما لذ


لهـــــذا اختـــــار النـــــوبى ان يتناغم مع "الفــــــيرى"
او ما يعرف بالبلطى النهـــرى , انا افضل ان اسميه الفيرى , لان السمكة التى تعرفوها بالبلطى وان كانت تصنيفيا نفس النوع , ولكن اذا اتيتم لبلادنـا ستعرفون الفرق
الفيرى فى النوبة القديمة , كانت سمكة الخـــير , طعام اهل النوبة المفضل من الأسمــاك , واكثر الاسماك تماشيا وتـاثيرا فى حياتهم , كانت احجام البلطى النهرى فى منطقة النيل النوبى , تتعدى عشرات الكيلوات للسمكة الواحدة وتزيد عن المتر والنصف حتى ان بعض ابائنا من من حضروا بعض من طفولتهم فى بلادنا الغريقة , يذكرون فى احاديث ممزوجة بخيال طفولى واضح , انهم كانوا يمتطونها على صفحة مــاء النيل ويستابقون بها

سمكة الفــيرى تأثر بها النوبيين فى حياتهم , فمن طريقة سباحتها فى ميــاه النيل , وجدت رقصة
"الفــيرى" بين بنــات النوبة , التى تماثل فيها الفتاة تمايل السمكة فى الماء وسط تيار النيل القوى المار بجنادل النوبة
هذه السمكة التى كانت تنقش بيد جداتنا على بيوتنا النوبية
استحضارا للخــــير
الذى أن كــان بفعل جاهل قد مضى

ولكنــه عـــائد لا محـــال



----------
"فيرى فريريكا اراجيد تاان
والـــو ماشا ندوا كـــوســا
دايمــــيـــــــــه
جــــاشن تــــــانــــى 
جـــــوين تــــانى 
شديا دجون فشرين نــــا
"

كتبت فى الأصل فــى
19/5/2012
الــسبت

أســــرا ميــــــــــــــــسو

المكـــان مدينة الاقصـــر من اربع خمس سنين كدا ,  حوالى 7 - 8 شاب من  أهل اسوان الأصليين , جايين عليا

اول واحد فيهم من غرب اسوان لابس عراجـى وفى ايده موبايل طالعه منه نغم الاغنية دى وبيتمايل معاها , وراه بخطوتيـــين واحد جـــعفرى من الخطـــارة بيتمايل وبيردد الكلام اللى جاى مع النغم , وعشان جعـــفرى فبيبشــر بايده مع الاغنيـــة

فى النــاحية التـــانية كنت انا واقف مبتسم , لا مش بس ابتسامة كنت بضحك

 حمـــزة بيغنى فى الموبايل  , وواحد ماتوكتى وواحد جعفرى بيردوا معاه

هو ايه اللى وادنى الاقصـــر اااقولكم بقه من بداية القصــة

انا مازن , نوبى نشئت فى اسوان  , البندر زى مابيتقال عليه ,  فى حى اسمه مدينة ناصر , مدينة ناصر دا كان اعلى ربوة فى اسوان (قبل المحمودية) , واتبنت المدينة دى على ايد المهندسيين الروس اللى جم شاركوا فى بناء السد كسكن ليهم ( الله يفرم اللى جاب ابوهم , على اللى جابهم يبنوا السد) , اثنـاء وجودى هناك وتقريبا وانا فى خمسة ابتدائى , سمعنا عن المتحف النوبى  الجديد اللى بيتبنى فى اسوان ,  الحق احنا فى اسوان بالمعنى الدارج البلد بـلدنا , يعنى اسوان معروفة اصلا بالنوبة , فحكاية المتحف , مشغلتش بالى اووى ساعتها ممكن يكون للاحساس ان انا اصلا فى النوبة , وممكن عشان صغر سنـــى , بس فى حاجة استفزتنى وقللت من شعورى بالعزة دا واللى فعلا البلد بلدنـا , الحاجة دى حصلت يوم افتتاح المتحف النوبى ,  المتحف اصلا بيبعد عن بيتنا حوالى كيلو ونص , وليه طريق طوالى كدا موازى للنيل من عندنــا , غير الطريق الاســاسى , يوم الحفلة دى اتوقعنا ان حفلة ومتحف نوبى فى اسوان ,يبقى بس فرصه جميلة لكل الناس تنبسط , بس اتفاجئنا ان فى ترتيبات اصلا من قبلها بيوم تقريبا , بتتعمل , عشان يتقفل طريق السادات اللى هو الطريق المؤدى للمطار واللى المتحف بيقع عليه) , طبعا فى مدينة زى اسوان هادية وصغيرة الحدث دا جلل , خصوصا ان الروح اللى كانت سايدةعن افتتاح المتحف كانت ايجابية , وكان فى عشم للناس انها تكون حاضرة فى ليل اسوان الجميل , بس للأسف عرفنا ان الحفلة دى للمخلوع وشلته بس , ودا كانت فعلا سايبة غصة فى حلقنا كدا , ( بقه ابن القحبة دا , يجى من مصر يفعدنا فى بيوتنا ومانقدرش نروح متحفنا اللى مابينا وبينه يادوب عشر دقايق) الفكرة كانت قاسية انك بتتقهر وسط ارضك ,  الناس كانت عارفة منير جااى الحفلة , فكانت الامانى عالية نقضى يوم حلو , مع منير فى اسوان ( ايام ما كنت بسمع له يعنى)  , (سيبكم من حفلات الاوبرا , هناك فى بلادنا بيبقى حاجة تانى)  , المهم اضطرينا نتابع زى كل الناس الحفلة على القناة التانية , كان جوايا شعور غبى جدا ( اتخيل انك شايف الانوار بتاعت المتحف من بلكونتك) وبتتفرج زيك زى اللى فى السنبلاوين على  القناة التانية ( قهر قهر يعنى)

بداءت الحفــلة باستعراض هزلى من فرقة زفة نوبية , ماسكين الهوايات  النوبى الصوف وشغاللين

"حسنــى فالا فينــا , مبـــارك فلافينــا"
, كترحيب بيه , لدرجة المخلوع وبسوء ضميره المعهود , ميل على ودن اللى جنبه يستفسر بيقولوا ايه دول؟

خصوصا ان ممكن تتسمع حســـنى بـــلاء فينـــا , وكانت هى الاقرب بلا شك للصواب

, خلص العرض الهزلى

وفضى المسرح من الهزليين , كان فى فترة كلام كدا حشو لحد ما المطرب اللى وراهم يطلع , فجاة لقينــا فى كرسى بيتحط

وجلابية برتقــــانــى لابسها واحد بعود قاعد وتصدر المشــــهد ,

 الدخلة ذاتها كان صدمة ,  مين دا , مــين دا , ايه اللون دا ,  برتقانــى يا ابن اللذينة ,  ابويا دقق فى التلفزيون , قال دا حمزة علاء الدين , ولقيته انبسط كدا وعدل من قعدته تأهبا انه هينبسط زيادة لما يبتدى الغنـــا  ,  انا مقتنعتش  برضه اللى هو مين يعنى حمزة علاء الدين دا , اخويا ولا ايه ( اسمى الكامل مازن علاء الدين) , بس تحفز ابويا الحاد , وعدم احتماله لتعليقاتى السخيفة كمــا وصفها , اجبرنى انى ابلع لســـانى , بس شوية والراجل دا ابتدى يلعب عـــود ,  شوية والناس بقت تهدى , اللى بيسال مين دا , اللى بيعلق اى حاجة , بقه صوته بيخفت

وعالاقل اللى مندمجش زى ابويــا ,بس سكت لما شاف تـأثير غنــا الراجل دا على النوبيين اللى عاصروا التهجير

دا كـــان اول احتكاك مابينى انا وحمزة

------------

تانى احتكاك

فرح بنت عمــى , تقريبا حمزة علاء الدين مرحش افراح الا باصابع اليد الواحدة

او ممكن مرحش الا الفرح دا ,  انا اصلا معرفش هو راح ازاى ,

انا اصلا مرحتش الفرح دا , عشان كانوا كاتبيين فى الكــارت

(نتمنى للاطفال نومــا هادئــا)

النوبيين بقه لما يعملوا ولاد نــاس بيفقعوا

المهم مفرقتش , انا اصلا فى السن دا كنت بروح الافراح العب

, وساعتها كنا فى الاجازة , فيا جدعان شــارع الطنـــانى  فى امبابة والشعلقة على العربيات ولا فــرح بنت عمى

اكيد هتقولوا الفـــرح , لا بس فى السن دا اكيد وطبعا الطنـــــانى 

حمزة برضه فى الفرح اللى سمعته , ما عجبش الناااس , 
اصل الفرح دا كان فى ايام كان نـاصر ومنصور 
واغنيتهم الشهيرة 
"ياوردة يافـــلة" 
هى اللى مكسرة الدنيــا , فازاى يجـى الراجل ايااه ابو جلابية برتقانــى , ويمسك عود فى وسط فـــرح ويغنــى , ويتوقع انهم ينبسطــوا 
ازاى 
دا كــان تـانى احتكاك مابينى وبين حمزة 
وبرضه القدر بيتعنت بيجيبنا قريبين قوى من بعض 
وبرضه ما بنتقابلــــش

-----------------------------------
 المعرفة اللى على وســـع بقه 
جت بعد انتهاء عصر07775000 , وكروت شحن النت , اللى الكارت كله يادوبك كان يخليك تعمل شــــااات , ايام ويندوز ملينيوم 
طيــب اللـــه ثـــراه
بقى كل كومبيوتر فيكى يا مصــر , بديل طويل يسمى كــابل DSL  , واتفتحت بقه منتديات نوبى , والعالم بقه فعلا قـــرية صغــيرة ( مفهاش حتى وحدة صحية) , اكتشتفت انا بــــقه الكنز , مش متذكر منتدى ايه بالظبط , بس قالك اسمع حمزة علاء الدين , قوللت ياااا 
برضه الراجل دا تـــااانى ابو جلابية برتقانــى , طيب يا سيدى وادى دونلوود لاغنية , ورينا بقه بتقول ايه 

اول حاجة شدتنى فى الاغانى , جودة الصـــوت المهولة والنقـاء فى التسجيل (لاحظ ان اغلب لاشرايط النوبى وقتها , كانت بتتسجل فى البرديسى فون , يعنى ادفو وامكانيتها الصوتية  المذهلة)

تانى حاجة لقيت شدة العود بتــاعته غريبة , العود بيتكلم نوبى , مع انى انا اصلا بكره ام الالة دى , عشان وجودها فى اى تخت عربى بالنسبة للنوبى بتبقى محفز انه ياخد له قيلولة كدا , ويصحى ويلاقى نفس التخت بيلعب نفس اللحن 
لقيت الاغانى بتاعته مش اغانى الافراح ( طبعا مع كامل احترامـى لاغانى الافراح) , لقيت فى كلام تــانى , فى تقديم للاغنية بشكــل تانى , لقيت نوبى صح زى بتاع جـاير والناس دى , اللى هى النوبى سك من غير تلج ولا مكسور بكلمة عربى 
بقيت كل شوية اسمع له اكتر , واكتر واكتــر , والاقى غيرى نفس الكــلام 
حمزة بيغنــى فـــاجيكــى , وتلاقى فى فـــرح من كلابشة حد بيغنى اغانيه , تلاقى واحد من سهيل حاطط اغنيته رنـــة 

حمزة دوب الفرق اللى مش موجود اصـــلا 
عارفين لما تكون واحد بس فاجيكـــى وسط 40 مــاتوكــى , وتسمع اغانى عز وصدقــى وتحفظها عشان بتحبها عن طـــريقهم 
لما تعرف جزولى وعبد الصبور غلاب من صحبك بتـــاع "المضيـــق" , وصحبك بـــرضه بتـــاع الخطـــارة 
يسمـع كل دا 
ويجــى حمزة بـــرضه اول ما يقــــول 
أســـرا ميـــــسو , تلاقى حناجر حتى ما تعرفش يعنى ايه الكلام بترد وراه بلغة صحيحة 

تـــالا بـــاتسروا 
جـــامن دول ســـو 

اصــــــراا ميسو
جمرت توتا تالا بــاتسروا
جافنتى تود
جامدن دول سوج
جــيلافيــى نــايرى
جيلافـى
جـــيلافى نايرى جيلافــى
أصـــراا ميـــــــــسو

لما تلاقى واحد وحد الناس على ضحكة , على رنة عود جميلة , على لغة محبوبــة 

دا بـــقه اللى كــان فى الأقــــــصر بيحصل فى فترة الدراسة بتاعتـــى هناك
كل واحد كان جــايب حاجة معاه يوريها للتانى 
ناسنا الماتوكية جايبين عز وصدقى وطبعا حسن
نــاس الخطــارة كانوا جايبين اغانى سودانـى , محدش فعلا سمعها قبل كدا
كنت جايب البيسمبيس وفكـرى الكـــاشف

بس لو فى واحد اتفق عليه الكــل
بغض النظر بيغنى ايه وبلسان مين 

هتلاقيه اكيــــد 
حمزة علاء الديـن




------------------------
تنويه عــام
ممكن ككنزى لما تلاقى كلمة ماتوكى بتتقال كتير , تشعر بشىء غريب كدا 
بيمشى جوا صـــدرك 
لما تحـــس كدا عايز بس تعرف حـــاجة
صــدقنى انت مش كنزى ولا مـــاتوكــى 
أكـتــــــــر منــــــى 

انا كــلوده بالمنـاسبة

يالا انفــــــــــــــــــــــــــــيادر

كتبت فى الأصل فــى
16/5/2012
الأربعـاء

الغنــاء النوبى بين الطــار والطنـــبور والاورج الYamaha-Tyros

  الفنان النوبى
حسين الالا

بداية  انـا شاب نوبى فى 25  من العمــر , استطيع ان اقول انى من هواة موسيقى السود فى امريكــا بمراحلها وتطوراتها وانماطها المختلفة
BLUES , SOUL,RAP,GOSPEL, RnB ,Rap ,Hip Hop
 وحبى لهذه الانواع من الموسيقى تعدى السمع , بل امتد للبحث فى اصول هذه الانواع , ومتابعة حياة اشهر فنانيها ومؤديها
فمثلا فى الــراب , ادعى انى من عشاق مدرسة ال Old School   فى الساحل الغــربى وفنانيها Eazy E -2pac -
snoop Dogg - Out Laws
 ومتقبل لشكل هذا النوع ومصطلحاته التى قد تصدم البعض , لان هذا الفن هو فن أبن المدينة وثقافتها
Urban Culture
, لذا فالتحديث فيه سواء فى اللحن او الكلام مرتبط بالتغيرات المتسارعة فى نمط حيــاة المـــدينة ,

أما عندما أستمـــع لغنائنا النوبى , وانا لازلت ادعى انى مستمع جيد للفن النوبى ايضا سواء بالفاجيكى او الكنــزى , أجد اننى استمع لهذا الفن بعقلية  وذوق رجل ثمانينى من أهلنا الذين ولدوا فى نوبتنا الغريقة ,
هولاء الرجال الذين كانوا يدورون بعصيهم فى حلقات الرقص كى يحافظوا
على تناغم صفوف ودوائر الرقص فى الافراح , هولاء الذين ياخذوا فننا على محمل جدى صــــارم
انا بكل فخر انتمى اليهم عندما ياتى الحديث على فننا النوبى , فـــرنة الطــــار الملتهب جلده بنار اشعلت فى اوراق الصحف لكى يشد , هى الاصل , اما الطار الصناعى الذى يشد جلده البلاستكى بواسطة صواميل ومفاتيح فليس هناك لرنته طعم ولا وقع فى نفـــسى ,

كذلك نغمــة الطنـــبور او العود وشد الوتــــر , لا تضاهيها عندى احدث ما توصلت اليه شركة Yamaha  المعروفة بصناعة الة "الاورج " الموسيقية
ففننا مـــثل تـــاريخنـــا لا يجب ان يمس ,
ربما من المقبول ان نستعين باستديوهات وادوات تسجيل حديثة تساعد فى اظهار الصوت والالات النوبية بدرجة انقى واوضح
ولكن يجب ان تظل مفردات هذا الفن بعيدة عن اى عبث


ولكــن للأســف مثلمـــا وجد من يحـــافظ وجد أيـــضا من يعبث

 فعلى صعيد الفن الكنزى نجد على كوبانا رحمه الله , وهو من وصل بفننا للعالمية نجد انه قد غنــى رأئعته " جورنيمــى" معتمدا على ايقاع الطــار مستعينا بالات نفخ مثل الساكس فى الخلفية , بنفس السلم الموسيقى النوبى الخماسى , فلم تخرج الاغنية من الحالة النوبية
وان اكتسبت طــعم أفــريقى فاتح للشهية , مثلما يضاف البهــار للطعام فيقبل كـل ذائق

كذلك فى الفن والغناء الفاجيكــى نجد ان حمزة علاء الدين , لم يفارقه عوده من نيويورك الى اليابان , جوالا سفيرا للفن النوبى بألة تقارب الطنبور روح هذا الفن منذ ان أبدع فى ارض النوبة , بل يقال ان زريـــاب  من أضاف وترا خامســا فى العود كـان نـوبيأ 

,
لذا انا ارى ان الفن النوبى يجب ان يترك كما هو بمفرادته بادواته
نستطيع ان نستخدم التكنولجيا الحديثة فى تقديم افضل له
لا فى اعادة تشكيل له

وربما ياتى المثال جليا على العبث بالفن النوبى  الفاجيكـى فى اغنية
"اليا" لمحمد منــير
بموسيقاها الالكترونية المثيرة للغثيان التى لم يشفع صوت الكورال النوبى
من الاطفال فى التستر على هذه الجريمة فى حق الفن النوبى , وللحق منير يصيب ساعات ويخفق أكـــثر فلا زلت حتى الان أتذكر جريمة اخرى ارتكبها فى اغنية
ووه حنينة" وتوزيعها المصرى الفج ,  الذى لتتبين مدى فداحته لك ان تعرف انه فى غلاف الالبوم كتب أسم / سعيد الارتيست كعازف اساسى فى هذه الاغنية , هل يصح هذا اغنية نوبية تكون الالة البارزة فى لحنهــا "دربـــوكــــة" !!!!!


وفى حالة الفـن الكــنزى نجد أن " عز الدين محمد" رغم محافظته على تراث خاله الفنان "صــدقى" , قد سقط أكــثر من مــرة عندمــا غنــى بالنوبية على ألحان وانغام عربية شهيرة مثل اغنيته " ايــلا أيــلا" التى غناها على لحن اغنية صبـاح
" يــا انـــا يــا انــا"



--------
موسيقانا تصل كمــا هى للأخر بسبب تميزهـــا

وحتى اذا لم تصل له
فيكيفنـــا ان نسمعها  نحن مثلما أنشئت


 تابعوا المنتديات المختلفة لنوبة الجنوب , فهناك مازال الفن حى ,
ومازالت الاغانى تكتب وتلحن , فى تجديد مستمر لم ينتقص من الشكل العام للاغنية
النوبية  


كــتبت فى الأصل فــى
18/4/2012
الأربــعاء

اونـــدى

بـريشة الفنان النوبى
"أبراهيم سيد"

ذهب ليبصق بعيدا عن مجلسه تحديدا فى الصفيحة التى تحوى مخلفات المنزل بجانب "الديو"1 , عاد ليجلس على "الاناريه"2 باسفل ظل نخلته المحببة التى تعطى واحة من الظل وسط رمال الحوش الصفراء
, فرد العراجى بعد ان ربع قدماه اخرج من جيبه ورق البافرة وعلبة التبغ فضية اللون نحاسية المعدن , نظر بعينه الى معشوفته المفرودة فى ورقة تحت لهيب الشمس , يعشق تلك النبتة حتى انه ضحى بحوض من ارضه المزروعة بالدرة الشامية واختص ذلك الحوض ببذور الكمنجة3 بعد ان احاط الحوض ببضع حبات من اللوبيا حتى تغطى على رائحة الكمنجة النفاذة التى تجذب متعاطيها من على مئات الامتار ,
نادى على "شميشة" لكى تحضر له الورقة وما فيها , فى سرعة ملحوظة كانت الورقة على حجر "اوندى" ,
ولما لا فرمال الحوش الساخنة قادرة على تحويل شميشة المدللة الكسولة الى غزال تكاد خطواته تلمس الارض , اصبحت السيجارة جاهزة فقط عليه تمرير لسانه المبلل عليها ليحكم اغلاقها ,
نظر اليها باشتهاء فعلا "احسن من اى سيجارة مكنة" كما يردد عندما يتباهى بقدرته على لف سجائر تضاهى ما يخرج من المصانع ليباع فى علب جاهزة , سحب اخر انفاسه فى تلذذ وما ان فرغ منها حتى قام ليلقى ما هو ليس صالح للشرب فى صفيحة المخلفات ,
بمجرد ان خطى ناحية "الديو" حتى سمع طرقتان على الباب تلاهما صوت الكالون وهو يسحب من مكانه عن طريق الحبل المربوط به والذى يوجد طرفه من الخارج ناحية الشارع فى تقليد نوبى يعكس عبارة الترحيب الشهيرة (البيت بيتك) بل هو يجسدها حرفيا , دخل "حسن اوش الله" مضمض اوندى لعابه وبلعه مضطر راجيا فى يأس ان تكون رائحة فمه قد زالت وهو ما لم يحدث فشدة اعتنائه بنبتته اعطاها رائحة نفاذة تضاهى مفعولها القوى ,
"كمنجة تانى يا اوندى" قالها متجهما بعربيته المكسرة فضحكت شميشة الصغيرة التى حتى توجعها لاتعبر عنه الا بالنوبية , تستغرب هى تلك اللغة وتضحك على طريقة نطقها تمام كما يفعل ناس مصر مع من يتحدث النوبية ,
لم ينطق "اوندى" فبالرغم من الشيب فى راسه واقترابه من منتصف الثلاثينيات الا ان احترام الاخ الكبير لا يوجد له عمر افتراضى , بعد صمته رفق به "حسن " فوضع يده على كتفه 
وقال له " جايلك فى حاجة مهمة" يصر هو على التحدث بالعربية واوندى لا يضيق صدره شىء مثلما ان يتحدث نوبى بالعربى لمجرد انه حاصل على شهادة من شهادات الحكومة ,
حاول ان يجاريه فى الحوار قال له حسن " عايز تجهز حالك عشان خلاص دى هتكون اخر دميرة 4رد عليه " ايه البحر هيعملوا له محبس هو كمان !!" ضحك حتى سعل مازال منتشى هو , لم يعلق حسن وانتظر حتى هدىء سعاله وباغته " لا احنا اللى سايبين المكان وماشيين , "ماشيين فين يعنى .؟ عقب اوندى
"كوم امبوا وناس خلانك فى اشكيت5 ماشيين حلفا الجديدة " رد منفعلا " كوم امبو "ميناه"6 , حلفا جديدة ميناه, مالها بلادنا ,
السد بتاعك دا بوظلك دماغك ابقوا ورونى هتعيشو ازاى هناك , كوم امبوا "كاتى دافا"7 انت عارف اصلا كوم امبو دى شكلها ايه , ياراجل دى بلد الكلاب بتاكل فيها بعض من الجوع , انتوا هتقدروا تعيشوا هناك ,
ابقى ادبح مراتك المسلعوة دى يدوبك تفطر بيها " ضحك تانى بصوت اعلى ليس لانتشائه تلك المرة بل هو القلق ما يداريه بصخب ضحكاته , " كلنا هنمشى ونروح كوم امبوا , نروح للكهربة والميه فى حنفايات لحد البيت , مدارس جوامع " هى اصلا المدارس دى اللى بوظتك" قاطعه اوندى , 
"حد يكره الخير يا عبيط انت " رد حسن منفعلا , والله يبقى عبيط اللى يمشى ورا كلامكم" قالها بلحظات قبل ان تدخل عليهم دهيبة زوجة اوندى حاملة صينية الغداء المغطاة بالشوير
, علق اوندى فى مرح "شوفت انا اه مكانى والاكل مش الموية اللى بتجيبلى لحد عندى , تقولى كوم امبوا " قهقه ورغم عنه ضحك حسن ورفع بيديه الشوير من على الطعام , بسمل فى سره ونظر لاوندى حتى يقلده وبدا فى الاكل,.

, بعد صلاة العشاء تتحول مصطبة الجامع الى مايعرف بالنادى الاجتماعى , فهناك يتجمع اهل "توماس"8 رجالهم يجلسون على المصطبة ويلعب الاطفال على مقربة منهم , "يا جماعة الجاى خير , وخير كتير كمان , انتوا عاجيبكم حال بلادكم دلوقتى 
من ساعة الخزان وارضنا بقت خلاص مش هى , بس انتوا اللى مصممين , طلعتوا الجبل سكنتوا مكان التعابيين والفوديه9 , جت التعلية غرقت نص اراضيكم , فكروا بقه
بالعقل خلاص الارض دى بقت خراب , اما كوم امبوا , فمية من الحنافية زى مصر وكهربة , ومدارس يدخل فيها عيالكم بدل ما هما بيطلعوا يادوبك بيعرفوا العربى عشان يصلوا بيه " انتفخت عروق "حسن" وهو يخطب خطبة عصماء يبدوا انه تمرن عليها طويلا او القيت عليه مرارا حتى حفظها
, قاطعه " احمد اشرفية" متشككا وافرض يا استاذ حسن احنا قولنا لا " ومين يقدر يقول لا يا احمد, مصر كلها دلوقتى بتسمع كلام عبد الناصر اللى خلصنا من الانجليز وشغل الناس الفقراء وبقه ليهم صوت , ثم احنا قد ايه عشان نقول لا ونقول لا ليه فى حاجة خير يا احمد " سعل اوندى وبصق فى مكانه دليل على عدم رضاءه " خير اللهم اجعله خير , اسيب دارى انا ودار ابويا جبلى , عشان مية حنفية , طيب ما المية اه قدامنا بنشرب زى ما احنا عايزين , حتى كلود 10شميشة عملناه هناك , دلوقتى يعنى يا حسن لو مرتك جابت لك عيل هناك , هتعملوا الكلود فى الحوض تحت الحنفية " قالها واطلق ضحكته مجللة تابعها ضحكات كل من جلس متشفيا فى حسن الذى لم يتكلم بعد ان غلب كلام "اوندى" منطقه الذى تعب كثيرا حتى كونه او للحق حتى استوعب ما لقنوه اياه ,
فى زيارته الاخيرة لمقر الاتحاد الاشتراكى فى اسوان , لم يقتنع "حسن " فى البداية بكلامهم ولكن هم لم يتركوا له فرصه للشك , اثناء زيارته اخذوه فى جولة ليتفقد مكان خزان اسوان , وحرصوا ان يمر فى طريقه بموقع الجيش ولوءاه باسوان حتى يرا بعينه مايمكن ان يراه يوما فى نوبته اذا ما اعترض او رفض اهله التهجير ,
تظاهر بتماسكه بالرغم من العرق الذى تقطر منه باردا عند رؤيته للمنظر , التهجير قسرى اذا لا محالة , زاد شكا وصل لدرجة كفر بكل الكلام عن المساواة عن الخير الذى ينتظر ابناء مصر من النوبة لكن لم يجرا ان يجاهر بكفره ,
مرت احداث تلك الزيارة خاطفة فى مخيلته , فاحس بمنطقية تعليقات اهل بلده البسطاء وسخف مبررات اتحاده الاشتراكى , ولكن مازال عاقد العزم على السير فى ركب الحكومة فقاطع سخريتهم قائلا " عالعموم قلت لكم ,
وانتوا بكره تطلعوا وجبلى كمان لو مكانش عشان خير كوم امبوا بس عشان تتقوا شر عمركم ما شوفتوه لو فضلتوا فى ارضكم " , سكتوا وتحادثوا فى احاديث جانبية خافتة , اما اونـدى ففطن لكلامه واجابه فى نوبة نرفزة نوبية " اقسم بالله يوم ما تحكم 
ليشوفوا الشر دا قبل ما نحنا نشوفه
" ,


صحى قبل ان ينطلق صوت المؤذن ليدعو الناس لصلاة الفجر , هى غير عادته حتى زوجته فؤجئت باستياقظه " هى اوندى كودا فينا؟ (هل انت بخير يا اوندى , رد عليها "اي شديده الحمد لله" , ثم ذهب ليتوضا فى ركن بعيد بالحوش المتدثر بنجوم السماء , تناول افطاره وارتشف شاى الصباح بمزاج , ايقظ شميشة فى حنان بالغ مألوف منه , غسل لها وجهها , البسها بنفسه ثم اخبرها ان تاتى معه ,
لم يكن محتاج لمعاونتها فلقد حمل هو كل شىء , فأسه قفته و عروق اخشاب تستعمل احيانا كسقالات عند البنائيين النوبيين , هو فقط ارادها ان تراه وهو يعمر فى ارضه , اراد ان تشب وهى تحمل نفس الانتماء الذى يوجد داخله ,
"هوشش" قالها لحماره فتوقف ارتجل منه حمل صغيرته التى مازالت على ظهر الركوبة 
تركها بسلاله ورقة على الارض , ربط الركوبة فى اخشاب شجرة "ابض"11 هرمة , مستخدما حجرا جيرى رسم على الارض حدود منزله القادم واسع كعادات ديار النوبيين اتى الى حيث بدء, انهمك فى تسوية الارض مستخدما فاسه وقفته , يتصبب العرق من جبينه دون حساب مسحه بظهر يده ونظر الى شميشة التى اختار لها مكان ظليل لكى تجلس فيه , اخذه التعب ارتاح بجانب صغيرته حادثها بالنوبية " هنا ستتزوجين فى دارك , ضحكت الفتاة فرحة بكلامه فكثيرا ما تلعب دور العروسة مع اقرانها وسط ضحكات ذويهم ,
اعتقدت ان الاب يكلمها عن تلك العروسة التى تتقمص دورها يوميا, شرب واستلقى تحت الظل قليلا , عاد لمكان منزله الاتى وقف تخيل شكل البوابة , فكر غدا سيذهب الى شط البحر سيحضر طمى لكى يقوم بقطعه الى طوب حتى يتمكن من اقامته على احسن وجه سيكون اجمل بيوت توماس يمنى نفسه ويتحداها 
سيعده كمزل لعروس , حتى الاطباق الصينى التى تزين بوابات بيوت النوبة سيذهب الجمعة القادم مع "زين نفيسة" بمركبه الى عنيبة12 لكى ييشتريها من هناك ,
تصور هو كل التفاصيل ومصر عليها ,يفرح كلما اضاف خياله تفصيل جديد , رضى بما رسمه خياله حمل رفقيته واحل الركوبة من مربطها , اركب اميرته الصغيرة ثم ركب 
هو نزل منحدرا الى بيوت القرية مع انكسار شمس الظهيرة
.


استاذن من الريس زين , ان يمهله دقائق حتى يقوم باحضار بقية اغراضه من المنزل , زمجر لطلبه زين" حاول مخاطبة وده واعلمه ان سيوافيه بعد دقائق عند المرسى , لم يكذب تلك المرة هى فقط 10 دقائق ذهب الى المنزل لاحضار معشوقته الخضراء وباقى العدة 
فلقد تركهم فى المنزل مثلما يفعل عند كل صلاة , بعد ان ساروا فى النهر لفترة وعلى مدى نرهم لمحوا "البوستة" الباخرة التى اعتادت ان تحمل لهم الاحباب وتخطفهم ايضا , وبجوارها مركب بخارى ايضا هيكله يظهر وكانه بنى بطريقة خاظئة فالهيكل الحديدى هو جل مايظهر منه , لمحوا "ابريم"13 على غير عادتها خامدة ساكنة 
سكون لم تعهده , اهلها المحبين للحياة جرودا منها ,
يمشون ثقالى الاقدام ينتظرهم ذلك المركب الغريب ليحويهم داخل هيكله المخيف هم وحيواناتهم , " حكومة وسخ ايرا
, الهى فاروق يرجع تانى بدل ما ولاد الكلب دول يتحكموا فينا , والله كان ملك مش ولاد الرقصات دول يحكمونا " طلع السباب من فم "زين " حارا كانفاسه الحزينة على بدء عملية التهجير , لم يعلق "اوندى" على كلامه فدخان سيجارته جعله يتامل اكثر فى شكل بيته القادم ’ ابتسم بانتشاءه سرح بخياله , راى نفسه جد لاولاد شميشة
ابتسم عدل من مجلسه ,
فرد "الكاسير"14 على وجهه وراح فى قيلولة سريعة .
انزل المرساة مع "زين" استاذنه فى الذهاب بعد ان ودعه , فزين سوف يكمل الرحلة حتى الشلال وسيعود هو عن طريق البر , ذهب لابناء عمومته , تناول غداءه عندهم , استاذنهم فى الذهاب للتسوق , نبهوه الا يتاخر على العشاء وعدهم واوفى عاد مع اطباقه الصينية وضعها جانبا وتعشى , يفرح كلما زار عنيبة ففيها يرى النوبيين من كل البلاد , يتقابل مرة مع صديق له من قرشة ,
واحيانا يتقابل مع رجل قد تشاجر مع من قبل فى اثناء زياراته لادندان , هى تقريبا عاصمة النوبيين نعم , يمكن اختزالها فى ذلك المسمى , اطفى سيجارته ودفن باقيتها تحت رملة الشارع , ثم دخل لينام فغدا سيعود لتوماس .



بمجرد ان ابتعد عن نظر اقاربه حتى بدا فى ضرب الركوبة , مستعجل هو على العودة لتوماس الشوق ليس للبلد بل هو الشوق لبدء ما خطط له و عند اخر نجع فى عنيبة بدء عواء الكلاب اعلى مر بابريم تعجب بيوتها تبدو حزينة صعق , اكان اهل ابريم من الجبارين الكفرة "فاخذتهم الصيحة مصبحين", ليست تلك ابريم التى يعرفها لم يبقى فيها حىء الا الكلاب التى توحشت فبعد ان كانت صديقة الانسان بدات الان تهاجمه من جوعها رفع رجله من الركوبة دق قلبه خوفا ,
حتى كلاب النوبة يوما لم تكن بتلك الوحشية , حماره الان لم يعد يحتاج لضرب فلقد اخذ يعدو كمن اصابه مس 
احيانا يتوقف فجاءة لركل كلب طال فكه ذيله , ثم يواصل العدو , 
وصل على مشارف توماس لم تقف الكلاب الى بعد ان تدخل اول من قابلهم ثلاثة بالعصى وذهب رابع لاحضار باقى العشا حتى ياكلوا ,
بمجرد ان اشتموا الطعام هدء النباح , ثم اكلوا وكانهم لم ياكلوا من قبل , سبحان الله بسبب الانسان كادت ان تفترس الكلاب اوندى وركوبته وبسبب الانسان ايضا عادت لعادتها فى الوفاء , استراح شرب , رفض ان يحضروا له العشاء هو على استعجال وعلى شوق لشميشة ,
تفحص اطباقه فقط 3 منها كسرت حمد الله انه قد اخذ حذره فاحضر 5 اطباق زيادة ودعهم بالنوبية احضروا له الركوبة التى مازالت تلوك عود البرسيم الطرى , مشى جانبها قليلا ثم امطاها فى الطريق الى البيت.


.
استقيظ على ترحيب امراته بضيوفها , لم ينتبه لاصوات النساء لم يستطع تميزهم , ولكنه سمع صوت خاله " محمد عواض" نهض مسرعا , راءه عانقه بشدة ضاع فيها كسل النوم وتبعاته , استذنه ليغتسل , عاد سريعا مع دخول اكواب الشاى "للمضيفة"15
شربوا تحاكوا فى كل شئ , ضحكوا كثير , قاطع حديثهم دخول "حسن" الى المضيفة , ارتمى الاخر فى حضن خاله طال العناق علق "اوندى" وحدوا الله يا رجاله مش كدا , ضحكوا وتباعدت اذرعتهم , لم يمر وقت طويل حتى اتى الغداء , فتح الخال الشوير , فى عادو نوبية تقتضى ان يفتتح الضيف المأدبة , اثناء الاكل سأل الخال حسن , "صرفتوا للناس التعويضات " انتبه "اوندى" وبلع حسن ريقه "لسه يا حج , فى وفد من الاتحاد الاشتراكى هيجى يمضى الناس ويسلمها فلوسها ,
" صحيح البيت تمننتوه ب 5 جنيه " رد فى انفعال مصطنع " خبر ايه يا حاج ايه تمنتوه , وان مش نوبى ولا ايه يا حج , الحكومة مضطرة عشان ظروفها الاقتصادية نستحمل شوية , " مضطرة ميناه , دا احنا فى خشم القربة16 تمنوا لينا النخلة ب15 جنيه مش البيت ,قالكم عبد الله خليل17 ,
تعالوا مع اخوالكم واهاليكم خشم القربة" قاطعه " ياخال احنا مصريين ومانطلعش من بلدنا ونروح نلجى فى بلد تانى" تحسر الخال" بلد تانى , بقينا اتنين خلاص يا حسن اشكيت وحلفا اقربلك ولا كوم امبوا بتاعك دى " صمت مفحما , استأذن الخال من اوندى فى الانصراف , اقسم باغلظ الايمان ان يكمل نايبه من الطير , 
عاد الخال منصاعا لطلب اوندى استكمل غداه فى بطىء , استاذن حسن فى القيام وخرج مسرعا دون حتى ان يدع اوندى يقسم مجددا.



اوصل خاله حتى المرسى فى الطريق رجاءه اكثر من مرة ان يبقى عدة ايام , اعتذر خاله برقه تنتظره الان مشغوليات كثيرة تتعلق بالتهجير الوبال الذى كتب عليهم , عند البحر حضنه بكل قوة , سالت دموعهم فالوداع هذه المرة ليس عاديا بل هو وداع وتابين , تابين لتلك الارض التى يعلم انه لن تأطها قدمه بعد ذلك , "ابقى زرنا فى خشم القربة يا اوندى , خلانك كلهم مشتقيين لك " "باذن الله يا خال, السلام امانة لكل ناس اشكيت " , كفف دمعه واحل مركبه من مربطها وهو يردد "يوصل باذن الله يوصل " عديلة يا خال عديلة " زعق بها وهو يرى مركب خاله متوجها جنوبا يشق البحر سابحا ضد تيار النيل الذى لم يمنع فيضانه من قبل تواصل الصلة بين نوبة الجنوب ونوبة شمال الوادى ,
لم يعرفوا حتى تلك التقسيمات وتلك الحدود الا قريبا , اختفى قارب الخال عن النظر , اخذ اوندى فى الصعود الى منزله وهو يدندن اغنية نوبية عذبة اللحن ,.


زاره حسن بعد العشاء على غير العادة , "هو دهيبة كوتا شاى جاويه" طلب من امراته 
ان تعد لهم الشاى " لا لا والله فيسكموا "نطقها حسن راجيا ان يعفيه من الشاى بسبب عد م وجود مكان له فى جوفه بعد العشاء , "انا بس عايزك تسمعنى كويس فى اللى راح اقوله لك , عايزك تحضر نفسك كدا انت والجماعة عشان خلاص كلها شهر بالكتير ونسيب البلد ونروح كوم امبو" ,
ابتسم ابتسامة ثقة وتابع" ماشين لوين يا حسن كوم امبو تانى , ماشى يا حسن ربنا يسهل " استغرب من تفهمه هذه المرة
ولكن لم يشاء ان يساله على سر تغيير تفكيره , فهو لايضمن ان لا يعود لسابق عهده فى لحظة , استاذنه بالذهاب اوصله حتى الباب ودعه ثم عاد لداخل منزله واستغرق فى التفكير , البيت مايزال بحاجة الى مزيد من العمل , غدا سياخذ نعجة وجدى ليراعاهم عند بيته الجديد لكى يعتادوا ايضا على المعيشة هناك , "تتسهل باذن الله" زفرها فى تفائل , خلد لنومه مرتاح يشعر بانه انجز شيئا ما فى حياته ,.


تلعب فرحة مع اقرانها , ناداها لم تسمع كرر نداها , اجابته بانها تلعب , طلب منها المجىء لم تذعن , قام بعصبية ضرب مؤخرتها ادخلها المنزل , زعق فى وجها مستاء هو من انها لم تعيره اهتمام عندما نداها , مستاء اشد استياءه انه مد يده ليضربها 
تبكى امامه بصوت مبحوح يجرح حنجرتها ولكن ليس بقدر مايجرح قلب اوندى , لم يستطيع تادية دور الاب القاسى اكثر من هذا , احتضنها بقوة , خف نحيبها يقبلها بشغف راجيا ان تسامحه , حنونة هى عليه مثلما هو عليها قبلته فرح وانزل دموعه على كتفها , المنظر غير واضح المعالم لاتعلم من يصالح الثانى من يواسى الاخر 
من هو الوالد ومن فلذة الكبد ,
امضى اغلب اليوم برفقتها هى اقرب اصدقاءه تفهمه برغم صغر سنها , 3 سنوات هى اجمل سنين عمره قضاها مع رفيقته , انتظم فى صلاته بعد ان رزقه الله بها , توسعت ارضه وزاد حصاده منذ مجيئها , كل جيد فى حياته مرتبط بقدومها لتلك الحياة , رجته دهيبة الا ياخذها معه فى هذا الوقت ,
فالدنيا بالخارج مشمسة اكثر من ما تحتمله تلك الصغيرة , تردد يريد ان ياخذها معه لاعلى الجبل لبيتها القادم ولكن لايريد ايضا ان يفكر فى اضعف احتمال ان ترهقها تلك الزيارة فتركها مرغما فى البيت , ارادت ان تصاحبه اسكتها بانه سيذهب لاحضار حلويات لها وسيعود , هدئت قليلا ثم ودعته , وقف يتامل البناء اعجب بمهارته فى العمارة , البيت قارب على الانتهاء ,
اهل القرية لايعلموا شيئا عن ذلك البيت فلقد اختار له مكان باعلى جبال توماس ناحية الداخل حتى لايراه اهل القرية , سيقيم فرح شميشة بالقرب من منزلها , مجرد التفكير فيها يجدد له الامل , الامل بان هذه البلاد لن تغرق وانها ستشهد زفاف جميلته على صاحب النصيب الذى سيختاره لها كافضل من يكون , 
حصن نفسه هو من الطوفان او هكذا ظن , لايفكر كثيرا مثل حال اهل البلد , حتى امراته لم تحزم اغراضهم ولم تخيط على الشنط قماش البفتة مثلما فعلت كل نسوة القرية , مازالت ملابسهم قابعة فى ذلك الصندوق الخشبى التليد المزين بنقوش غريبة اقرب الى طلاسم لمن يمتلكها الان ,
ولكنها كانت تصاوير ولغة حياة لمن اورثوهم تلك الصناديق التى توجد فى كل بيت نوبى ويتوارثها الاجيال منذ مئات السنين لدرجة انهم نسوا متى بدات تلك العادة ومتى تم صناعة تلك الصناديق , 


الحزن حكم القرية تلك الليلة ليس هناك ابتسامات , احاديث النسوة وونسواتهم تحولت لعويل صامت , الاطفال حتى ادركوا ان هناك خطب فى نفوس اهلهم , فلم يخرجوا كالعدة ليلعبوا "الحندكيه" بجوار جامع القرية , اوندى لوحده مرتاح البال , ذهب ليخبر حسن بخبر سيربك كل حساباته الحكومية ,
سيخبره اليوم بامر منزله الرابض على اعلى جبال توماس , راه فى الشارع اوقفه , اخبره بامره فرحا , اقتضب صعق لكلامه صمت فكر دقيقة , "والطوفان لما يجيلك" رد بثقة انا اخترت اعلى جبال توماس والغرب كله حتى طوفان البحر ما راح يطوله " لاعاصم اليوم من امر الله " حاول ابتزازه دينيا , وامر الله اننا نسيب بيوتنا الله اتخلقنا فيها , نسيب نخيلنا , والله ابدا ماربنا حكم بظلم ولا يرضى بيه" استشعر تصميمه على البقاء , فى اعماقه يتمنى ان ينجح 
ولكن فى ظاهره يثنيه , "طيب عالاقل سيب دهيبة وشميشة يجوا معانا , فكر قليلا 
غلبه المنطق هذه المرة , مغامرته غير محسوبة , يتحمل هو عواقبها على نفسه 
لكن ليس على دهيبة او على شميشة الصغيرة , صمت ثم نطق "ماشى , بس مايغيبوا عن عينك لحد ما ارجع واخدهم معايا " لم ينطق فقط اومى براسه موافقا على كلامه ,, 


قبل تلك الجميلة فى كفها الرقيق , احتضن دهيبة همس فى اذنها ضحكت وسال دمعها , حضن امراة اخيه وكذلك فعل مع حسن , ود ان يسلم على كل فرد فى قريته , ولكنه فضل الا يفعل فمندوب الحكومة عند المرسى وسسيجبره رجاله على الصعود لتلك المراكب القذرة التى اعدوها لتهجيرهم , حميرهم وجواميسهم جنبا لجنب معهم , وضع لم يعتادوه قذارة مسبقة حملها المركب اضيفت اليها فضلات حيواناتهم , اخذ يعرج ونظر الى النيل من بعيد يسمع نساء القرية يولولون فى ماتم ليس لبشر بل لارض اعز واغلى من اى بشر سكن فيها ,
رق دمعه شاركهم النحيب , يرى النساء يلطخن شعورهم ووجوهم بالنيلة الزرقاء , فى طقس وثنى عند النوبيين فى حالات الوفاة لم يمنع الاسلام من استمراره ,كما لم يمنع ايضا استمرار النوبيين فى تعميد اطفالهم عن النهر كعادة باقية منذ ايام ممالك علوة وفرص المسيحية , استمر فى الصعود لم يحتمل منظر وداع ناس القرية , اختبى فى احضان بيته الجديد بكى كما لم يفعل من قبل , انتفض جسده عن سماعه صافرة المركب البخارى ذهب ليلقى نظرة الوداع على اهل توماس دعى فى سره ان يراهم مرة اخرى عائدين ,
بكى وهو يدعى ,,


بكى وهو ياكل ,بكى حتى عند نومه
اصبح وحيد اصبحت القرية موحشة تونسه اغنامه , اصبح يومه يبدا باكرا يحلب عنزته , يشرب بلبنها كوب الشاى , ثم ينزل لارضه يفلحها ويقطف ما نضج من زرع , ليعود به الى منزله , طعامه اقتصر على غلال اللوبيا , اشتاقت نفسه للحم الضأن نظر لعنزته ساورته شهيته , ثلم رفق بحالها لم يشىء ان يجعل رفيقها وحيدا , فلقد جرب هو الم الوحدة ويتمنى من قلبه الا يحكم الله على احد بهذا العذاب , مضى اسبوعين وبضعة ايام , صار اشبه بالبشارية18" شعره كثيف مجعد اليوم بقى مكان منزله , فلقد احس ليلا اثناء استحمامه فى النهر بعلو الماء ,
وهو ما تحقق منه عند اشراقة الصبح فلقد اتى الماء على ما انخفض من اراضى حتى غطاها , لازالت ارضه بعيدة ولكن الى متى , عبث فى اغراضه اخرج صورة لشميشة التقطتها احد السيدات الالمان الذين اعتادوا على زيارة النوبة وتسجيل تراث ولغة اهلها منذ عام مضى , كانت فى الثانية , تغيرت كثيرا منذ ذلك الوقت ولكنه لا يملك لها الا تلك الصورة قبل الصور برفق ومسح من عليها ماجادت به عينه , ثم اعادها الى وسط اغراضه ,.


تصرخ هى كثيرا فالجو خانق فى تلك العلب الاسمنتيه , ليس هناك فسحة لطفل يجرى , الناس ضاقت بتلك المساكن , برائحة الحيوانات التى ارغموا ان يشاركوهم فى منازلهم فى عادة غريبة على ناس النوبة , فمنذ ان استانسوا الحيوان وهم يبقوهم بعيدا عن مكان معيشتهم , حاولت دهيبة تهدئتها احيانا بالغناء لها وكثيرا بوعدها انه سيأتى , فقط سيتغيب بضع ليال ثم سياتى لها محملا بالالعاب التى تباع فى مصر 
هدئت قليلا , استغلت الام ذلك حضنتها ثم اخذت تقرا القران فى اذنها حتى نامت الصغيرة تحسست الام جبهتها , حرارتها مرتفعة , فزعت الام كما لو كانت رات ابليس , دار فى فكرها المرض الذى ابتلوا به فى تلك الارض الجدباء , فمنذ قدومهم حتى اليوم تتوالى يوميا الجنازات من كل ديار النوبة , اغلبهم من الاطفال وكبار السن , لم تترك خيالها يغلبها جرت بشميشة الى حسن اخذها الى الوحدة التى لم يكتمل بناءها سأل عن الطبيب المقيم اسما لا فعلا لم يجدوه ,
حاول "حسن " ان يهدء من روعها , روحى البيت اغلى لها شوية حلف بر وحرجل , وانا هروح اجيب الدكتور والحقك على البيت علطول" , بكت وانصاعت مضطرة , زارتها النساء فى البيت , الوجوم على وجوهم ,
ليست زيارة مريض تلك بل هى بداية لحداد قادم , البعض لم يتمالك نفسه فاجهش البكاء , شميشة لم تعد نضرة كعادتها اصفرت حتى اصبحت فى لون تلك المياه ذات الرائحة الغريبة التى يشربوها من حنفية الحكومة , تقيأت مرة اخرى غسلت لها امها مكان ما افرغت عادت لها بجلباب جديد لتلبسه بدل المتسخ ,
لم تقم بتغيير ملابسها فلقد سمعت صوت احد النسوة وهو تنحب فى انفعال " ايبيوه دهيبة ابيوه , ايبويه اوندى ابيوه , شميشة ووه كدودا ايبويه " لم تحتمل الصدمة خرت فى الارض وتجمع حولها من كانوا اصلا موجودين فى البيت ومن اتوا على صوت الصراخ الذى انطلق من البيت , .


اضطرب هو لايدرى ماذا يفعل البحر على بعد امتار من مكانه , فك رباط عنزته وجديه 
لم يتحركوا هش عليهم مرارا حتى انطلق الجدى تبعته عنزته الى ناحية الجنوب , اخذ يعبث فى اغراضه بعصبية , ارتاح عندما التقط اصابع صورة صغيرته , حضنها قبلها , نظر للماء الذى ارتفع اكثر واكثر , لم يعصمه الجبل , هو غير عاصى فلماذا يعاقب بالطوفان , 
لم يحتمل ان يرى بلده تغرق فضل ان يرحل قبل ان يرى ذلك, قفز من مكانه الى الماء , بقى على صفحة الماء لبرهة يحمل صورة صغيرته , حزين هو لفراقها فلن يراها تكبر ولن يراها عروسة كما تمنى دائما لها ,
اوجع قلبه التفكير فالفراق صعب , قبلها متمنيا لها كل خير فى الدنيا, مسكين هو لايعلم انه سيجدها فى انتظاره , لم 
يتخيل انها ستكون شفيعته رغم انه اعتاد ان الخير دائما ما ياتيه من جهتها .
---------------------
نشرت فى الأصل فــى

17/4/2012
الثــلاثاء

1- مكان الخبز فى البيت النوبى
2- سرير يصنع من اخشاب النخل
3- نبات البانجو
4- فيضان
5- قرية نوبية فى جنوبة النوبة
6- ماذا 
7- بئسا لها
8- قرية نوبية بشمال النوبة
9-الخنافس
10- سبوع
11- حنضل 
12- قرية نوبية كانت مركز فى النوبة القديمة
13- قرية نوبية
14- العمامة
15- مكان استقبال الضيوف من الرجال فى البيت النوبى
16- المكان الذى هجر اليه نوبيى السودان
17- رئيس وزراء سودانى 
18 -فرع من قبائل البجة يمتازون باطلاقهم لشعورهم الكثة المجعدة

تــرحـــال بـــاقى الجــــسد

 بجدونــا سدا كــلكن
كو امبوم ايجن نام بلد
وليكا ديكــا الكوجا
جطر لوجـا بجدوم خشم الجربة لكن
تنيه كي كيككوجــا



جيل جيل تون النوجا سين
اركونا دور اررتو كير
جلبوا بيرو سوكوجا
اوج تلاه تو فشو
نهار الشوم لاتوم بال بالك
كج الكوجــا


ووه دونيا نوكسن كيلا تون 
ايى فيل لوجوا ورويجا  نايجو الكوجــا

سونتن صوباعك تون 
كيكا بايين النيجر
ورويلا تون البايرو كوجكوجــا 
مــين نـــيجو اهه
مين نيجواا مــين نيجوا 

 هذه الكلمات التى قد يظنهـا البعض سواء كـان غير نوبى او مع شديد الاسف ان كان نوبى , انها كونت عبر العبث بلوحة المفاتيح   ولكن ما هى الا بضعة مقاطع من لأغنــية " مينجــوا" للفنان النوبى أوندى ,  الذى حتى الأن لا اعرف ان كان هذا هو لقبه ام أسمه الحقيقيى فى كل الحالتين هو جدير بهذا الأسم ,
يقول اوندى فى رأئعته  والترجمة هنا ليست حرفية


بسبب هذا السد قسمنــا لاثنين
فذهــب نصف الجسد بحرى السد(شمالا) لكوم أمبــوا
والنــصف الأخـــر , شحنوا فى  القطــار
الى مــايعرف بخــشم الجــربة( مكان تهجير نوبيى جنوب النوبة)


وبلدنا التى عشنا فيها منذ اجيال واجيال
بعثروا فيها وقلبوها رأس على عقب
يالا من نهـــار شــؤم علينــا

منذ هذا اليوم المشؤم وقد ذهبت عقـــلنــا
من هــول مات حدث


ويا هـــول مـــا حدث
ويــا
قسوة ما فعلوا بنــــا
أدمـــوا قــلوبنــا بقسوة
كــانهم انتزعوا اظافرنا من لحمنا


مـــاذا نقـــول
ااه
مـــا بقــى ليقــال
----------
 اليوم من المفترض انه يوم التدوين النوبى 18 ابريل , او مثلما ورد فى الفاعلية  وانا هنا اقتبس

"18 ابريل كان اليوم اللي رحل فيه اخر نوبي عن الارض القديمة و هو معتقد انه رايح لبيئة مماثلة لبيئته و حياة ادمية يعيشها . عشان كدة قررنا نحيي ذكري اليوم دة بدعوة للتدوين عن النوبة .
النوبة الجزء البعيد المنسي المهمش من مصر في اقصي الجنوب. النوبة الممحية من كتاب تاريخ مصر . النوبة اللي لغتها بتندثر و غير مسموعة في اي وسيلة اعلام مصرية"

ولكـــن الدعوة أتت بحس نــية من الكيان الداعى الذى له أنتمــى , فسقط سهوا أن هذه البلاد التى كان اولها دابود شمالا وأدندان جنـــوبا , والتى من أجلها قامت فكرة يوم التدوين , ما هى الا شطــر واحد من النـــوبة ,  فلا حديث عن تهجير لا حديث عن معاناة , لا حديث عن نـوبة دون ذكر
"حلــفا" , " اشكــيت "  , "دبيـرة"

هذه الــبلاد التــى  وغيرها تمثــل بــاقى الجسد النـــازف فى الجنــوب ,  النوبة كمــا عرفوها اجدادنا التى لا تعترف بنقطة حدود , او مديرية مصرية او خط عرض وهمى حدده الأحتلال , او عملة  تفقد قيمتها بعد تخطى الجندل الثالث ,
فأن أقتنع البعض ان نـــوبته فقط ال44 قرية المهجرة بالاضافة لقرى الشلال باسوان ,  فاسمح لــى ان اقول انك تبخس نوبتك ونوبيتك حقــها والاصعب من هذا كله , انت تقطع رحمك
فمنذ ان وجد النوبيين على الارض لم يكونوا يعرفوا هذا التقسيم الذى اتى بفكر من شيطاني الأنس  , المقبور شمالا " عبد الناصر" والمدحور جنوبا "ابراهيم عبود" ,  الذين استأثر وأستأسد كل منهما على شطـر من شطرى النوبة , فعملا على فصل الانتماء بوحدة النوبة , التى للأسف اصبحت جلية للعيان فى شطر النوبة الشمالى , دون تعمد وفى غفلة منا للأسف  ومع الألة الأعلامية الرهيبة التى للاسف أخذنا بعض مفاهمينا منها , فاصحبنا لا نرى الا نصف الجسد وتهجــيره غير ممعنين الى اين ذهب الحال فى ترحال باقى الجسد
بل ويا عظيم السخرية ,عندما نريد ان نبين فداحة تعويضاتنا الهزيلة شمالا , نقارن بكل سذاجة ما بينها وبين تعويضات اهلنا فى الجنوب , وكأن أهلنــا فى الجنوب قد اعطوا ما يحتاجوا وأزيد , وكأنهم قنعوا بتهجير خشم الجربة على وادى حلفــا , متناسيين او لنكون أكثر صراحة جاهليين بان نصفنا الجنوبى ابدا ما رضى ولا قنع على ذل وشتات , فكيف نتصور بكل سذاجتنا كنوبيين فى الشمال ان من هتف
"حــلفا دغـــيم ولابــاريس "
قد اقتنع بما قدم له  , كــيف له ان يقنع
 باى بيت مادام لم يبنى على ارضه ,  وكيف يقنع باى ارض مادامت ساقيته لم تدور لتسقيها

,  فنوبى الجنوب فى اول يونيو من تهجيره فى منطقة الاسكان بخشم الجربة , هبت عليه عواصف عنيفة محملة بالرمال اشبه بالاعصار فاطاح بسقوف بيوت القرية رقم 22 (دغيم) واقتلع الاعمدة من الشوارع وفجرح العديد من النوبيين جراء هذا المناخ الذى لم يعتادوه فى خشم الجربة , ونفق العديد من ماشيتهم
ولم تكن تمر هذه الحادثة حتى أتت أمسية فى اول اغسطس بفصل اخر من الرعب فى تهجير خشم الجربة , حيث قامت زوبعة رعدية وهطلت الامطار كافواه القرب مصحوبة ببرق ورعد مرعبيين ,  فارتعب النوبيين لاذين لم يصادفوا ابدا مثل هذا المناخ والطقس فى ارض اجدادهم لدرجة ان احد امهاتنا من شدة فزعها اغلقت دولاب ملابسها غلى طفليها

النوبى الذى شهد منازله فى دبروسه تذوب ككقطع البسكويت 
فى طوفان صنعه شيطاين البشر , مثلما رأينا فى قسطل ودهميت نخيلنا تصارع الفرق بهامتها وقت ان بلغت المياه اعناقها

اذا كنا نتحدث عن شقوق وتصدعات فى بنايات تهجير كوم امبوا الاسمنتية التى زورا سموها بيوتا , ففى خشم الجربة بنوا مساكن اهلينا على عجالة وتلكوا لدرجة ان توقيعهم اتفاقية اعمار المنطقة الجديدة سبقت فترة اغراق حلفا باربع سنوات , وهى المدة التى كانت كفيلة باعداد هذه القرى على اكمل وجه ,  ولكن لماذا يفعلوا هذا , لماذا يعوضوا النوبيين اصلا ولو بالقليل ,

اذا كانوا يضمروا الخير اصلا لنا فلماذا هجرونـــا 

واذا كنا نشتكى فى تهجير كوم أمبو من بعد الاراضى الزراعية ووتغيير نوع التربة التى طلب من النوبيين ان يأتوا بمعجزة ليسطصلحوها  ونقارن مخطيئين بحال اهلنا فى نوبة الجنوب , ظانين ومتجنيين عليهم انه فى راحة , فكل هذا يضحده ما تعرض له اخواتنا من عدم ملائمة هذه الاراضى للمحاصيل المعيشية مثل العدس والترمس والبسلة التى كانت تعد منها اغلب الاطباق النوبية واستحالة زراعتها فيما سمى حلفا الجديدة ,

أذا كـانوا يريدونـا زراعــا فلمـــاذا هجرونــا


اذا اشتكينــا نحن فى نوبة الشمـــال من أمراض صاحبت ظروف التهجير واودت بحياة اطفالنــا وبعض شيوخنــا , فمازال  ناسنا فى حلفا تحصد أرواحهم أكمالا للجريمة الشنعاء التى اقترفتها حكومتى مصر والسودان  مع سبق الاصرار والترصد , فبيوت اهلينا فى حلفا بنيت اسقفتها بمادة الاسبستوس التى تحدثت عنها منظمة العمل الدولية  فى الاتفاقية رقم 162 لسنة 1986 في دورتها رقم 92 التي تعرف باسم" الحرير الصخري " وتضمنت حظر استخدام هذه المادة بجميع أشكالها والإستعاضة عنها بمواد أخرى ومنتجات أخرى عديمة الضرر أو أقل ضررا كما و ضعت هذه الاتفاقية استثناءات من الحظر في حالات معينة حددتها بشروط اتخاذ إجراءات وتدابير صارمة تضمن عدم تعرض العمال للخطر.
اثناء بنائهم للبيوت التى تستخدم الاسبتسوس فى تثقيفها , ,
ما الوكالة الأمريكية لحماية البيئة في أمريكا فتعتقد أن التعرض لألياف اﻷسبستوس عن طريق مياه الشرب قد يصيب الإنسان بأمراض سرطانية في الجهاز الهضمي

ولنا ان نعرف ان استخدام هذه المادة فى بيوت ناسنا فى ما يعرف بحلفا الجديدة , جعل منها قبورا

كما جاء في دراسات جمعية النهضة النوبية، وارجعت العوامل الى وجود الاسبستوس بكميات كبيرة، الذي يستخدم الى الآن في أسقف المنازل وشبكات المياه في عدد كبير من قرى الإسكان.. وتجدر الإشارة الى أن الإحصائية التي أعدتها جمعية النهضة لم تشمل أحياء المدينة لصعوبة الحصول على عدد المصابين ولعدم معرفة سكانها ببعضهم. خاصة أن الدراسة أعدت بصورة غير علمية أي بواسطة أشخاص عاديين في القرى لإحصاء المصابين بالمعرفة الشخصية بالاضافة إلى ان هناك قرية من قرى الاسكان لم تدخل في قائمة الإحصائية مما يدعو إلى الشك بأن الإحصائية التي وردت في تقرير جمعية النهضة النوبية لم تظهر العدد الحقيقي للمصابين.

وبلغ عدد المصابين في الاحصائية «722» أغلبهم في عداد الأموات لأنواع السرطانات التي أصابتهم. وسجل سرطان الحلق أعلى نسبة الاصابة من بين الأنواع الأخرى حيث يبلغ عدد المصابين به «301» من العدد الكلي «722»، بينما بلغ عدد المصابات بسرطان الثدي «27» امرأة، فيما بلغ عدد المصابات بسرطان الرحم «06» امرأة - وسرطان اللثة «7» حالات، بينما لم تورد الاحصائية أعداد المصابين بسرطان المستقيم الذي أيضاً ينتشر في حلفا الجديدة وسرطان المهبل

. اذا كــانوا يريدونــا أصحـــاء فلمـاذا هجرونـا

هذا هو ما يعانيه نصفنا الاخر جنوبا , هذا ما يخفى على معظمنا فى الشمــال
برغم ان هذا النوبى فى الجنوب

  فى الحق اقرب الينــا من اى مـصرى ونحن أقرب اليه من اى سودانـى 

 فالانساب واحد  , والعائلات هى نفسها  , والهم واحد والنوبة واحدة

أرادوا محــــونــــا ولهذا هجـــرونـــــا 

" كـــورجــا سوكــا جــام 
ســد نولــيه 
طــوب طـــوبة نــسوكــا 
أمن تـــرونيه 
طــوفان نـــسوكـــا 
البهر رونـــيه
جـــيزة لـــوج فـــلان 
كوكــى تنونـــيه"     

-------------كتبت فى الأصل ف
17/4/2012
الثـلاثاء

 

مـــراجع /